Турски Фенербахче славеше на гостувањето кај Анталијаспор со 2-0 со два погодоци во вториот дел во меч во кој одново во фокусот на вниманието се најде Жозе Мурињо.
Мурињо долго време во фудбалскиот свет е познат како „специјалниот“, а вечерва уште еднаш покажа зошто е тоа така откако изведе потег кој не се гледа на фудбалските терени.
Португалецот не беше задоволен од една судиска одлука, па одлучи да го стави лаптопот пред камерата за да покаже дека арбитрите погрешиле, потег за кој заработи жолт картон.
