Авганистанските талибанци ослободија 28 криминалци депортирани од Германија, со релативно ограничени услови, објави денеска германскиот весник „Шпигел“.
Германија на 30 август депортираше осудени криминалци во Авганистан за прв пат по три години, вкупно 28, а тие прво беа испратени во затвор по враќањето во матичната земја, но потоа ослободени од талибанските власти, со релативно ограничени услови.
Шефот на политбирото на талибанците Сухаил Шахин, во главниот град на Катар, Доха, изјави дека се ослободени откако нивните семејства дале писмени гаранции дека нема да извршат злосторства.
