Град Скопје објави дека поради неправилности при работењето и непочитувањето на договорот за вработување, денес од функцијата директор на ЈП Дрисла е разрешен Александар Кузинаков.
„За неговото работење до градот Скопје пристигнати се бројни пријави со индиции за злоупотреба и пречекорување на овластувањата за што градот Скопје веќе најави ад хок ревизија. Справувањето со корупцијата и самоволието во градот Скопје беше и едно од главните предизборни ветување на градоначалничката Данела Арсовска. Никој не смее да си поигрува со народните пари, а уште помалку со довербата на граѓаните на градот Скопје. Во ЈП Дрисла е најавена и вонредна ревизија од град Скопје која треба да започне до крајот на оваа недела“ се наведува во соопштението на Град Скопје.
Во досегашниот мандат градоначалничката на Град Скопје Данела Арсовска разреши повеќе од триесеттина директори на јавни претптијатија и институции под нејзина надлежност.
