Институтот за проучување на војната објави нови мапи: „Украинците брзо напредуваат“

„Геолокацираните слики и руските тврдења покажуваат дека украинските сили продолжиле брзо да напредуваат понатаму во Курската област и наводно се присутни во области оддалечени дури 35 километри од меѓународната граница со областа Суми“, објави Институтот за проучување на војната во својата последна анализа.

Руските воени блогери тврдат дека украинските сили напреднале до Кромские Бики и Мољутино (до 35 километри од меѓународната граница и 17 километри југоисточно од Лгов), но забележуваат дека тоа се мали групи кои не се обидуваат веднаш да ја задржат територијата.