Министерот за надворешни работи во владата на заминување Бујар Османи на Фејсбук објави дека се сретнал со амбасадорите во земјава на САД, Германија, Велика Британија и Холандија на кои им изразил загриженост за „компромитирање на изборниот процес“. -Се сретнав со амбасадорите на САД, Германија, Обединетото Кралство и Холандија. Изразив загриженост за компромитирање на изборниот процес со самоволните одлуки на Државната изборна комисија (ДИК) со цел да се украде изборната волја со правење политички инженеринг со одлуките за прегласување“, пишува Османи во објавата на Фејсбук. Тој, исто така, ја изразил и неопходноста од почитување на Охридскиот рамковен договор, Договорот од Преспа и европската иднина на земјата.
