Грчкиот тенисер Стефанос Циципас денеска се пласираше во четвртфиналето на Мастерсот во Монте Карло, откако по два сета со 7:5, 7:6 го совлада петтиот светски играч Александар Зверев од Германија.
Циципас, 12. тенисер во светот, победи по два часа и осум минути.
Во првиот сет тенисерите добиваа гемови на свои сервиси до последната 12. кога Циципас направи брејк и поведе во мечот.
Грчкиот тенисер добро го започна вториот сет поведе со 5:1, но не успеа да искористи две меч топки. Зверев успеа да освои тајбрејк, кој Циципас го доби со 7:3.
Циципас во четвртфиналето ќе игра против Русинот Карен Хачанов, кој со 6:3, 7:5 беше подобар од сонародникот Данило Медведев.
Данецот Холгер Руне се пласираше во осминафиналето победувајќи го Сумит Нагал од Индија со 6:3, 3:6, 6:2.
Противник ќе му биде Григор Димитров од Бугарија, кој претходно денеска го совлада српскиот тенисер Миомир Кечмановиќ со 6:4, 6:3.
