Британскиот мултинационален производител на стоки за широка потрошувачка Унилевер најави дека ќе укине околу 7.500 работни места со цел да заштеди околу 800 милиони евра во следните три години.
Британскиот гигант забележува дека ќе укине главно канцелариски работни места и паралелно ќе инвестира во технологија за да ја подобри продуктивноста и да ги намали трошоците.
Раководството најавува разговори со работниците, без да открие каде точно планира да ги скрати работните места. Тие само скицираа временска рамка од две години.
Унилевер има 128.000 работници ширум светот, а вработува 6.000 во Британија.
Извршниот директор Хајн Шумахер потсетува дека во акцискиот план се обврзале да произведат „помалку работи, подобар квалитет“, а промените, како што вели, треба да им овозможат да го забрзаат неговото спроведување.
„Цврсто одлучивме да ја спроведеме нашата програма за продуктивност во соработка со претставниците на вработените и да покажеме почит и грижа за работниците кои ќе бидат погодени“, додаде Шумахер.
