Руските државни медиуми јавуваат дека постои можност американски војници да се убиени кога руските сили го погодиле американскиот систем Патриот во Украина. Михаил Шеремет, претставник на руската Дума во окупираниот Крим, за РИА Новости изјави дека два американски системи Патриот биле погодени во регионот на Доњецк. „Кога беше уништен противвоздушниот систем „Патриот“, можно е да загинале и припадници на американската војска“, рече тој. Тогаш на социјалните мрежи се појави информација дека не бил уништен целиот систем „Патриот“ вреден 400 милиони долари, туку два лансери на тој систем од кои секој чини по 10 милиони долари. Медиумите под контрола на Кремљ претходно објавија дека на „Патриот“ се појавил одреден технички проблем, поради што, како што се тврди, американски воени експерти тајно биле испратени во Украина за да го сервисираат системот за противвоздушна одбрана. Сепак, овие тврдења сè уште не се независно проверени, објави Њусвик, потсетувајќи дека официјален Вашингтон барем јавно објави дека ниту еден член на американската војска нема да биде директно испратен на украинскиот фронт. Кога портпаролот на Пентагон беше прашан за наводно убиените американски војници, тој само кратко рече: „Можам само да потврдам дека нема повредени американски војници бидејќи немаме американски воен персонал вклучен во борбите“. Руското Министерство за одбрана објави видео од, како што се чини, ракетите од системот Искандер, насочени кон американскиот противосзушен систем „Патриот“. Тогаш руските и украинските медиуми ја објавија веста, повикувајќи се на Форбс, дека експлодирале два лансери од „Патриот“, при што најверојатно загинал целиот екипаж на целиот систем. Форбс наведува дека ова е првпат Русите да успеат да го погодат американскиот „Патриот“.
Русите уништиле два система „Патриот“, САД негира дека биле управувани од американски војници
