Доколку лидерот на Самоопределување и премиер на Косово, Албин Курти, се меша во изборите во Македонија, македонските партии треба да одговорат со широка македонска коалиција, вели во денешното гостување во „Тешки муабети“ лидерот на ГРОМ, Стевчо Јакимовски.
На такво мешање мора остро да се одговори, значи сите македонски партии, СДСМ, ВМРО-ДПМНЕ, ГРОМ, сите останати треба да направат широка македонска коалиција. Не може тие да одат кај Еди Рама, па кај Албин Курти, да се групираат, а ние да молчиме, вели Јакимовски.
