Лос Анџелес Лејкерс, во 49. натпревар сезонава го забележаа 25.пораз. „Езерџиите“ загубија во Атланта со 138:122.
Лејкерси играа без Ентони Дејвис и во ниту еден момент не можеа да им парираат на домаќините, кои на крајот рутински забележаа победа.
Лидерот на Лејкерси, Леброн Џејмс, потврди дека оваа сезона ништо во тимот не оди според планираното.
„Можеме да добиеме секого во оваа лига и од секого можеме да загубиме. Исто така може да се деси секој од НБА да ни удри клоца. Каков скор имаме? Под 50 проценти? Да, 24-25. Тука сме каде што сме“, изјави Леброн.
Леброн натпреварот го заврши со 20 поени, девет скока и осум асистенции. Лејкерси ги предводеше Остин Ривс со 28 поени. Кај Атланта петмина постигнаа двоцифрен број на поени: Тре Јанг (26 поени и 13 асистенции), Дежонте Мареј (24 поени и девет скока), Џамал Џонсон (19 и 11 скока), Садик Беј (18 поени и осум), Богдан Богдановиќ (18 поени).
