Претседателот на Собранието Јован Митрески денеска имал неформална средба со премиерот на техничката Влада Талат Џафери и со поранешниот премиер Димитар Ковачевски.
Митрески на Фејсбук објави дека на средбата разговарале за периодот што нè очекува и дека не отстапуваат од европската агенда.
-Цврсто остануваме на определбата дека не отстапуваме од европската агенда која е единствена опција за нашата држава за просперитет и демократски напредок.
Членство во Европската унија е нашата единствена опција.
Истовремено заклучивме дека во наредниот период ќе сториме се што е во наша надлежност да создадеме услови за фер и демократски избори без ниту една дамка, пишува на профилот на Фејсбук на Митрески.
