Демонстрантки ја полија со супа сликата на Мона Лиза во Париз, заштитена со стакло. Сликата на Леонардо да Винчи од 16 век е едно од најпознатите уметнички дела во светот и се чува во Лувр во Париз. Се наоѓа зад непробојно стакло, па тешко дека сликата е оштетена. На снимката се гледаат две демонстрантки како се прикрадуваат под бариерите заштитувајќи го ремек-делото на Леонардо да Винчи пред да ја потурат сликата со супа. Потоа и двете ги соблекле јакните за да откријат бели маици на кои со големи црни букви беше испишано „Riposte Alimentaire“ – што значи „Одговор на храната“. Демонстрантите, наводно, барале право на „здрава и одржлива храна“. Ова не е прв пат Мона Лиза да биде мета на климатски активисти – во мај 2022 година, демонстрантите фрлија торта врз неа. Маж преправен во постара жена во инвалидска количка фрли торта врз непроценливото дело, пред да извика „мислете на планетата!“ додека беше придружуван надвор од зградата. Се обидел да го скрши и заштитното стакло пред сликата, но не успеал.
(Видео) Сликата на Мона Лиза во Лувр полиена со супа
