Компанијата за импланти на мозок на Илон Маск „Неуролинк“ е казнета поради прекршување на правилата на американското Министерство за транспорт во врска со транспортот на опасни материјали.
За време на инспекциите на објектите на компанијата во Тексас и Калифорнија во февруари 2023 година, истражителите на Стејт департментот на САД открија дека компанијата не се регистрирала како транспортер на опасен материјал, покажуваат записите на агенцијата.
Пронашле и неисправна амбалажа со опасен отпад, вклучувајќи и запаливи течен ксилен. Ксиленот може да предизвика главоболки, вртоглавица, конфузија, губење на мускулната координација, па дури и смрт, според американскиот Центар за контрола и превенција на болести.
Компанијата на Маск е казнета со вкупно 2.480 долари, помалку од првично проценето, бидејќи компанијата се согласила да ги поправи проблемите, покажуваат записите.
Портпаролот на Администрацијата за безбедност на цевководи и опасни материјали, агенцијата на министерството која го истражуваше Неуралинк, го потврди прекршувањето и паричната казна и рече дека истрагата сега е затворена.
