Како што неодамна соопшти министерката за одбрана Славјанка Петровска, Македонија ќе купи осум хеликоптери од италијалнскиот производител Леонардо, во вредност од околу 230 милиони евра.
„Едниот хеликоптер е со поголема носивост – до 14 патници со опрема, а другиот е со помала носивост – до 8 патници, исто така, со вклучена опрема. Тоа е она што во моментов можам да го соопштам за понудата. Се разбира, сега одиме на следна фаза – на комисија за набавки. Досега тоа го работеше интегрираниот проектен тим, сега согласно процедурите ќе се формира комисија која ќе започне со преговарање со компанијата чија понуда е селектирана како најповолно“ рече на почетокот на неделава Петровска.
Според планот, хеликоптерите на нашата држава треба да и бидат испорачани во период од 24 до 36 месеци.
Дека станува збор за реномиран производител на воздухоплови, говори и фактот дека уште една земја членка на НАТО, Република Словенија ќе набави исти такви хеликоптери.
Според набавката на словенечкото министерство за одбрана од ноември 2023 година, Словенија во следниот период ќе добие шест повеќенаменски хеликоптери од истиот производител, италијански „Леондардо“
