Елиф Елмас има договор со Наполи до 2025 година, но неговиот агент Никола Ѓошевски за „Калчо Наполи 24“ вели дека иако постојат преговори за продолжување на престојот на „Диего Армандо Марадона“, тој зборува и со клубови кои се „многу заинтересирани“ за македонскиот фудбалер од средниот ред.
„Во последно време има многу шпекулации, но вистината е дека само јас и таткото на Елиф сме негови официјални претставници и дека ние сме единствените кои можеме да преговараме за неговата иднина. Можам да потврдам дека преговараме со Наполи за обнова на договорот, но исто така зборуваме и со клубови кои се многу заинтересирани за Елиф. Ќе видиме што ќе донесе иднината“, вели Ѓошевски.
23-годишиот Елмас пристигна во Неапол од Фенербахче за 16.2 милиони евра летото 2019 година и оттогаш има 175 настапи за Наполи со 17 гола и 11 асистенции.
#Inter, l’agente di #Elmas conferma: ‘Stiamo trattando sia col #Napoli che con altri club interessati’ https://t.co/fwHlvqjBfR
— calciomercato.com (@cmdotcom) September 12, 2023
