Ромео Лавија се повреди на тренингот на Челзи. Тежок почеток во иовиот клуб за фудбалерот, за чии услуги „сините“ платија 58 милиони фунти.
Лавија сè уште нема дебитирано за Челзи, а на дебито ќе почека бидејќи, како што пренесуваат британските медиуми, на тренинг го повредил скочниот зглоб.
Поради ова, Лавија порано го напуштил тренинг центарот.
Од клубот допрва треба да се огласат, а најверојатно нема да има повеќе детали додека не се завршат сите проверки.
Лавија пристигна во Челзи од Саутемптон во финишот на преодниот рок по долгата сага во која Ливерпул и Челзи се бореа за потписот на младиот играч.
