Денешното пукање во „Ист Гејт“ се поврзува со обид за убиство на Раде Трајковски – Штекли.
Неофицијално според очевидци тој се наоѓа во возило марка „ауди“ кое било блендирано.
Тој и е познат на јавноста и се поврзува со убиството на фудбалерот Мартин Јанушев. Беше во бегство во Србија и беше екстрадиран во Македонија, а за него полицијата има водено неколку постапки.
МВР потврди дека има пукање во „Ист Гејт’ , но повредени нема.
„На 25.08.2023 околу 15.50 ч. во СВР Скопје е добиена пријава дека во гаражите на трговски центар во Скопје едно лице кое било со патничко возило „ауди“, пукало кон Р.Т. (39) од Скопје, но не го погодило. Во возилото, според пријавеното, имало уште едно лице. Повредени лица нема. Известен е јавен обвинител и се преземаат мерки за расчистување на случајот“, рекоа од МВР.
Кон него било пукано од автоматско оружје.
