Русија сака да го зголеми производството на беспилотни летала за цивилна и воена употреба, изјави рускиот заменик-министер за индустрија, Василиј Шпак, за државната новинска агенција ТАСС. До следната година руското производство на цивилни беспилотни летала треба да се зголеми на 18.000 годишно, рече Шпак. Русија во моментот произведува околу 6.000 беспилотни летала годишно, посочи тој.
„Ако зборуваме за воени потреби, тогаш нивото на производство е значително повисоко“, рече Шпак, без да ги открие бројките. До 2030 година Русија се надева дека ќе произведе 30.000 дрона потребни за цивилна употреба. Ова би ги вклучило сите видови такви летала, од беспилотни слични на авиони или хеликоптери до мултикоптери со повеќе ротори. Тие би се користеле во земјоделството, градежништвото или за транспорт во недостапни области.
Русија често користи ирански борбени беспилотни летала во воздушните напади во Украина, кои се уништуваат при удар. Вакви дронови сега се произведуваат и во Русија. Украина исто така дополнително ги развива своите борбени дронови. За борбено извидување, двете страни распоредуваат стотици мали воздушни уреди, кои се пренаменети за воени цели.