Вчера, околу 7.20 часот, во СВР Куманово било пријавено дека на крстосницата од регионалниот пат Куманово – Свети Николе и локалните патишта за селата Грабеш и Новосељане се случила сообраќајна несреќа помеѓу патничко моторно возило „нисан“, со струмички регистарски ознаки, управувано од 49-годишниот М. П. од Струмица, и патничко моторно возило „форд“, со кривопаланечки регистарски ознаки, управувано од 51-годишниот М. П. од село Конопница, извести МВР.
„По несреќата, возачот на возилото ‘форд’, М. П., и неговите сопатници Р. Т. и С. С., биле пренесени во Општата болница Куманово, каде што на Р. Т. му била констатирана тешка телесна повреда, а на М. П. и С. С. им биле констатирани телесни повреди“, додаваат од МВР.
За настанот бил известен јавен обвинител, а увид на местото на несреќата извршила екипа од СВР Куманово.
