Читател на словенечкиот портал Siol.net го снимил моментот на уривање на мостот на патот меѓу Стаховица и Камник во градот Камништа Бистрица.
Во моментот на уривањето преку мостот минувал автомобил кој во последен момент застанал и веднаш тргнал наназад.
❌️ Most na državni cesti Stahovica – Kamnik je uničen in zaprt. Tudi z drugih krajev po Sloveniji prihajajo grozljivi prizori, številne ceste so zaprte.
Ne zadržujte se na nevarnih območjih! pic.twitter.com/LmM5wqOZo5
— infoPot (@CesteSI) August 4, 2023
Siol.net пренесува дека поради поплави се затворени бројни патишта низ Словенија. Од Јесенице до Љубљана нема возови.
Ситуацијата во Словенија од утрово е многу драматична. Обилните дождови предизвикаа поплави, патишта беа поплавени, а десетици илјади луѓе останаа без струја. Сирените за поплави се огласија и во самата Љубљана, а во текот на целиот ден од Словенија пристигнуваат видеа на кои се гледа како словенечката армија користи хеликоптери за да ги спасува луѓето кои чекаат помош на покривите.
