Земјотрес со јачина од 2,4 степени според Рихтеровата скала е регистриран на седум километри од Петриња, на длабочина од девет километри.
Граѓаните се огласија со коментари по потресот, за кој што тврдат дека бил доста силно почувствуван.
„Не лажете, и ова беше 4, какво 2,4 “, напиша еден од сведоците на земјотресот.
„Петриња добро се заниша“, додаде друг.
„Како експлозија ја потресе куќата“, вели трет.
Пред само неколку часа посилен земјотрес во Петриња ги вознемири граѓаните. Бил со јачина од 3,1 степени според Рихтеровата скала.
Засега нема информации за штети по двата потреса.
