Полни плажи, забави од утро до мрак, трка за место. Вака изгледа охридско-струшката ривиера овој викенд. Слободните плажи од рано наутро имаат пешкири, маси и столици, додека оние кои се приватни – немаат слободни лежалки. Овие неколку денови пред „Илинден“, речиси и да нема разлика помеѓу Струга и Охрид, бидејќи двата градови се преполни од туристи.
Луди журки се прават од Градиште до Оревче. Како и секоја година, овие плажи се преполни со млади. Се ужива од утро до мрак. Актуелни хитови, ди-џеј, музика од српско до странко, алкохол.
Од другата страна на ривиерата, на плажата „Бисер“ во Калишта – лабава атмосфера, тивка музика и туристи кои воглавно се странци, покрај домашните.
Локалот покрај Охридското Езеро и сонцето – доволни за локалот да биде полн. Место, сепак се наоѓа. Плажите во центарот на Струга се исто така полни до последно место.
Не изостанаа забавите и на плажите во охридската месност Св. Стефан.
Изминативе два дена и цела идна недела, најголемите забави се во Охрид. Вечерва настап има Пол Ван Дајк, додека утре, настапуваат „Рибља Чорба“. Идната недела започнува и „Охрид колинг“. Концерти имаат и други српски ѕвезди, актуелни за младите.
