Соединетите Американски Држави и доставија на Украина нов пакет воена помош во вредност од 400 милиони долари, соопшти денеска Министерството за одбрана.
Новата помош ќе вклучува беспилотни летала „Хорнет“, кои за првпат се испраќаат во Украина, муниција за противвоздушна одбрана, оклопни возила и противтенковско оружје, објави Ројтерс.
Пакетот се финансира како резултат на претседателско овластување, врз основа на кое може да се одобри испраќање воена опрема од американскиот арсенал без одобрение на Конгресот, пишува медиумот. Новиот пакет вклучува оружје што се повлекува од американските резерви.
Ова е 43-ти пакет американска воена помош за Украина, а од почетокот на руската инвазија, САД испорача оружје во вредност од над 43 милијарди долари на Киев.
