Седницата на хрватскиот Сабор накратко била прекината затоа што вода влегла во парламентот, откако Загреб повторно го зафати силно невреме.
„Затворете го прозорецот, водата проби“, рекол претседателот на хрватскиот Сабор, Гордан Јандроковиќ, наредувајќи 10-минутна пауза додека собраниските служби не ги затворат отворените прозорци.
Водата почнала да истекува низ отворениот прозорец и да протекува по ѕидот на собраниската сала. Водата почнала да навлегува и на главната врата на Собранието, која веднаш беше затворена и заштитена со крпи.
Загреб попладне повторно го зафати силно невреме пропратено со силен ветер и дожд.
Собранието расправаше за состојбата на судството на вонредна седница свикана од претседателот на Републиката Зоран Милановиќ, пишува ХРТ.
