Пожарот од депонијата до селото Софилари, кај Штип е локализиран со четири возила и 14 пожарникари, извести Дарко Коцев, командир на ТППЕ Штип и додаде дека останува да се изгаси пожарот на уште едно место, викано Пенуш, каде веќе се упатила екипа.
Според него за кратко време ќе биде локализиран пожарот, а екипата останува на терен се до негово ликвидирање.
Пожарот започна во 13 часот и 35 минути, а како што вели командирот дошло до потешкотии при гасење поради ветерот.
– Нема загрозено објекти, повеќе е ниско-стеблеста шума и трева, додаде Коцев.
Во пожарот е зафатена површина од околу 30 до 40 хектари.
