Андриј Јусов, портпаролот на украинската воена разузнавачка служба, одби да ги коментира експлозиите на мостот на Крим утринава.
„Можам само да го цитирам директорот на воената разузнавачка служба Кирил Буданов, кој рече дека мостот на Крим е непотребна градба“, рече Јусов.
⚡️”We do not comment. One can only quote the words of the head of the Defence Intelligence, Kyrylo #Budanov, that the Crimean bridge is an unnecessary construction,” Andriy Yusov, the speaker of the Main Intelligence Directorate of the Ministry of Defense of Ukraine, on the… pic.twitter.com/9a3IFQa9S5
— KyivPost (@KyivPost) July 17, 2023
Кримскиот мост, клучната линија за снабдување на руските сили во Украина, е оштетен утринава во „вонредна“ ситуација во која загинаа две лица, а едно дете беше повредено, соопштија руските власти, а украинските медиуми јавуваат за експлозии на мостот.
Сообраќајот беше прекинат по мостот што Русија го изгради за да ја поврзе нејзината територија со полуостровот Крим, кој Москва го зазеде во 2014 година, соопштија руските власти. Видеото на Ројтерс покажува мост без сообраќај.
