Стотици гаѓани под жешкото сонце ја блокираа крстосницата во центарот на Струмица искажувајќи го својот револт против отворање на рудник во Иловица. Со себе носеа транспаренти, свирчиња, а дел правеа бучава и со разни предмети што си ги земале од дома. Постојано извикаа „Стоп за рудници“.
Демонстрантите најавија радикализација доколку не се повлече концесијата, а компанијата ги обвини дека вршат притисок врз институциите.
Лидерот на ВМРО-ДПМНЕ рече дека ова е бизнис зделка на ДУИ и СДСМ, а министерката за животна средина ја нарече лицемерна.
