Дисциплинската комисија на Светската куќа на фудбалот (ФИФА) го казни фудбалскиот клуб Ал Наср со забрана за доведување играчи во следните три трансфер периоди.
Според „Дејли Мирор“, ФИФА го казни клубот за кој настапува Кристијано Роналдо за неплатениот долг кон Лестер за трансферот на Ахмед Муса во 2018 година.
Во трансферот вреден 16.500.000 милиони евра, Ал-Наср на англискиот второлигаш му должел околу 460.000 евра со камата, а бидејќи не ги исплати ниту по бројните опомени, ФИФА реши драконски да го казни клубот кој пред само неколку дена на Интер му плати 18.000.000 евра за Марцело Брозовиќ, а на фудбалерот му даде годишна плата од 30.000.000 евра.
Во меѓувреме, се шпекулираше дека Ал Наср го сака неодамнешниот голман на Манчестер јунајтед, Давид де Хеа, како и Хаким Зиеш од Челзи.
