Полициски службеници од Полициската станица Кочани вчера ги лишиле од слобода 78-годишниот Д.С., 78-годишниот Ј.С. и 61-годишниот Д.М., сите од Кочани, извести МВР.
– При претрес во домот на Д.С. и Ј.С. во Кочани, извршен со судска наредба, биле пронајдени и одземени пушка „Црвена застава“, пиштол „Црвена застава“, повеќе куршуми различен калибар, оптички нишан и други предмети. Додека при претрес во викенд куќа на Д.М. во с.Тркање, кочанско, извршен исто така со судска наредба, биле пронајдени и одземени повеќе куршуми од различен калибар, соопшти МВР.
Лицата биле задржани во полициска станица и по целосно документирање на случаите против нив ќе бидат поднесени соодветни пријави.
