Преполни контејнери, отпад расфрлан и околу нив, смрдеа. Ваква е сликата во Општина Аеродром, позади „Тобако 2“, кај новите згради. Жителите се жалат дека ова се случува често.
Станари кои живеат во непосредна близина каде се поставени контејнерите за отпад коментираат дека не можат да излезат на терасите, а затвораат и прозори од неподносливата миризба.
Задолжени за празнење на контејнерите се вработените во јавното претпријатие „Комунална хигиена-Скопје“. „Макфакс“ побара став зошто контејнерите се неиспразнети, а отпадот е расфрлан долж улицата – како и дали гледаат кај себе вина за ваквата слика. Оттаму очекуваме одговор.
Од претпријатието, утрово соопштија дека прават редовни контроли на терен за непрописно одлагање отпад. Затекнале 51 лице кое не постапува според правилата.
