Легендарниот трикратен светски шампион, Џеки Стјуарт откри дека имал мозочен удар кратко по посетата на Мајами ГП трката. 84-годишниот Шкотланѓанец, кој ја освои титулата во 1969, 1971 и 1973 е најстариот жив светски шампион, а по крајот на кариерата продолжи да работи како ТВ-коментатор и амбасадор на „Ролекс“.
Во интервју за „Дејли мејл“, Стјуарт откри дека додека бил на свадба во Јордан кај принцот Хусеин, имал мозочен удар.
„Се случи вечерта пред свадбата. Станав и се чувствував лошо и потоа колабирав. Не се сеќавам што се случи. Ме однесоа во блница во Јордан, а таму беа мојот син Пол и неговата сопруга. Неговото височество ми ги обезбеди најдобрите лекари, по што принцот о Бахреин ми го позајми својот авион да се вратам во Европа. Тогаш веќе бев океј и опоравувањето е целосно“, вели Стјуарт, кој присуствува на Британското ГП во Силверстоун.
