Втората планинска етапа на Тур де Франс, шестата етапа од 144.9 километри од Тарбе до Котерет-Камбаск, покажа дека Словенецот Тадеј Погачар е подготвен да се бори со својот главен ривал за титулата, Јонас Вингегард, обезбедувајќи фантастична соло-победа.
Во втората последователна етапа на Пиринеите, клучни беа легендарните искачувања на Кол Д’Аспен и Кол ду Турмале, а Погачар ја обезбеди победата со соло напад на 2.7 километри пред крајот, оставајќи го Вингегард на 24 секунди од него. Третото место го освои Норвежанецот Тобијас Јоханесен како дел од главната група која заостана 1:22.
Во генерален пласман, Данецот Вингегард ја презема лидерската жолта маичка од Австралиецот Џеј Хиндли и сега има 25 секунди пред Погачар, најавувајќи интересна битка за титулата. Хиндли паѓа на третото место со 1:34 послабо време.
⏪A final kilometer where everyone gave their all. Relive the final 1000m of this incredible stage, with an incredible celebration
⏪Un dernier kilomètre où tout le monde a tout donné. Revivez les 1000 derniers mètres de cette étape folle, avec une célébration folle.#TDF2023 pic.twitter.com/hTSOHpDu0U
— Tour de France™ (@LeTour) July 6, 2023
