Руската тинејџерка, Мира Андреева се пласираше во третото коло на Вимблдон, откако нејзината противничка, 11. носителка, Барбора Крејчикова се повлече од мечот при 6:4/4:0 негатива поради повреда.
Андреева, која е најмладата тенисерка која ги минала квалификациите за Вимблдон по Коко Гоф во 2019 година, имаше четири аса и 14 ддиректни победнички топки и сега ќе игра против подобриот од мечт помеѓу нејзината сонародничка Анастасија Потапова или Словенката Каја Јуван.
Својот меч од првото коло, одложен поради дождот, го комплетираше и Германецот Александер Зверев, победувајќи го Холанѓанецот Гијс Бруер со 6:4/7:6(4)/7:6(5). Вимблдон останува единствениот гренд слем на кој Зверев го нема поминато четвртото коло, каде што загуби двапати во 2017 и 2021 година.
Во второто коло е и италијанскиот специјалист за игра на трева, Матео Беретини, откако ја доби битката со својот сонародник Лоренцо Сонего со 6:7(5)/6:3/7:6(7)/6:3. Следен за Беретини е австралискиот 15. носител, Алекс де Минаур.
Во меч од второто коло, пак, седмиот носител, Андреј Рубљов во руски меч го совлада својот добар пријател Аслан Карацев со 6:7(4)/6:3/6:4/7:5.
