Во Окружниот суд во Киев денеска се случи експлозија, за која градските власти соопштија дека ја предизвикал маж кој активирал експлозивна направа.
Мажот починал „најверојатно затоа што случајно згазнал на експлозивот“, соопшти украинското МВР, додавајќи дека двајца припадници на КОРД (Корпус за брза реакција) се повредени, пренесува Ројтерс.
❗️ It is reported about the explosion and shooting in the Shevchenkivskyi Court in #Kyiv. pic.twitter.com/CN5nERzPAx
— NEXTA (@nexta_tv) July 5, 2023
Украинските медиуми објавија дека напаѓачот е Игор Гумењук, кој наводно извршил терористички напад во близина на Рада во август 2015 година.
Украинското министерство соопшти дека тој по сослушувањето се заклучил во тоалетот, а потоа почнал да фрла експлозивни направи.
