Шпанската полиција уапси Ирец (30) под сомнение дека задавил жена во хотел во одморалиштето Коста Дорада. Според полициските извештаи, персоналот на хотелот пронашол жена во безживотна состојба во еден од ходниците во комплексот, пишува „Мирор“.
Осомничениот за убиството бил во романтична врска со жртвата, а според неофицијални податоци, ја убил така што ја давел додека не изгубила свест. Тој веднаш по злосторството бил уапсен од полицијата, а констатирано е дека има рани на зглобовите.
Наводно жената се обидела да побегне од убиецот, но тој ја стигнал. Според извештаите, по убиството, тој со чаша си нанел рани на рацете и зглобовите.
Поради ова, тој бил префрлен во болница, каде што сега е под лекарски надзор.
