Новиот македонски фудбалски прволигаш Воска спорт со нов тренер, црногорскиот стратег Миљан Радовиќ, ги започна подготовките за сезоната 2023/24 во која ќе дебитира во елитата.
Првиот дел од подготовките ќе се реализира во Охрид, а потоа ќе бидат одиграни неколку пријателски натпревари.
На првиот собир беа присутни четирите нови засилувања, Фати Исмаили, Никола Стијеповиќ, Алекса Марушиќ и Никола Шаркоски, но и најголем дел од играчите од минатата сезона, со кои Воска го постигна најголемиот успех во историја.
