Повеќе од 40 активисти се уапсени денеска во Истанбул на парадата на гордоста која е забранета.
Турските активисти се спротивставија на забраната за организирање парада на гордоста во Истанбул, еден месец по изборите во Турција.
Демонстрантите вееја знамиња со виножито, но не им беше дозволен пристап до плоштадот Таксим, каде што се одржаа познатите демонстрации во 2013 година.
Турската ЛГБТ заедница стравува од поголем притисок откако конзервативниот претседател Реџеп Таип Ердоган победи на изборите во мај и го продолжи своето владеење до 2028 година, јавува Радио Слободна Европа.
