Со промена на правилникот на Фудбалскиот сојуз на Босна и Херцеговина, бројот на странци кои се дозволени во протоколот за индивидуална игра се намали од пет на тројца, но клубовите добија значително олеснување преку дополнителни измени.
Во фудбалскиот шампионат на Босна и Херцеговина, почнувајќи од новата сезона, играчите од Србија, Хрватска, Словенија, Црна Гора и Македонија повеќе нема да се сметаат за странци.
Фудбалскиот сојуз на БиХ, го официјализираше новото правило и дополнително објави дека од наредната сезона бројот на странци е ограничен на тројца играчи.
„Терминот ‘странски играч’ не значи играчи од територијата на поранешна СФРЈ (Србија, Хрватска, Црна Гора, Словенија и Македонија). Обврските на клубовите за регистрација на играчи на странски државјани остануваат непроменети“, беше објавено на официјалната веб-страница на Фудбалскиот сојуз на БиХ.
