Од ВМРО-ДПМНЕ реагираат по изјавата на премиерот Димитар Ковачевски во врска со градоначалникот Рамиз Мерко, кого САД го ставија на црната листа. Ковачевски рече дека треба да се запрашаат нашите надлежни институции како САД дошле до информации за Мерко, а се на илјадници километри од овде.
„Гледајќи како Ковачевски ја префрла вината на судско обвинителните органи притоа упорно не барајќи оставка од Мерко кој продолжува да биде градоначалник на неговата коалиција имаме конкретни прашања:
Кој е на власт последните 6 години? Кој велеше дека ќе донесе живот и правда за сите? Чив човек и пион е првиот обвинител Љубомир Јовевски?
Глумењето паднат од Марс на Ковачевски е навреда за интелигенцијата на народот“ прашуваат од опозициската партија.
