ЦУК посочува дека АМСМ испратиле известување според кое, по настанатите поплави пред четири дена во Делчево и околината, оштетени се темелите на мостот на Црвенска река на магистралниот пат А3 делница М.Каменица – Делчево.
„Извршено е примарно санирање,но поради поголема безбедност на сообраќајот,денес 17.06.2003 год. извршено е затворање на една лента од мостот до комплетно завршување на работите. Затварањето е извршено со прописна верикална сигнализација и сообраќајот на мостот се врши наизменично во двата правца по една коловозна лента“, велат од ЦУК.
Ги известуваме учесниците во сообраќајот на наведената делница да ја почитуваат поставената сигнализација во интерес на безбедноста.
