Поранешниот премиер на тогаш Република Македонија и еден од потписниците на Преспанскиот договор, Зоран Заев, денеска на Фејсбук се осврна на оваа тема по поводот пет годишнината од потпишувањето на договорот со кој се нормализираа односите со Грција.
„Пет години потоа, сведочиме искрено македонско-грчко пријателство. Пет години, Северна Македонија и Грција 🇲🇰 🇬🇷 градат заедништво од темел. На тој темел добиваме помош од нашите европски и евроатлантски сојузници, на тој темел сме предводници на силни регионални иницијативи. На тој темел имаме стабилна економија иако веќе четврта година се бориме со пандемиски и енергетски кризи. Темелот ни е цврст, но ветриштата околу се силни“, вели Заев.
