Оскаровецот Куба Гудинг Џуниор се спогоди со неименувата жена, која го обвини дека ја силувал во хотелска соба во Њујорк во 2013 година.
Спогодбата се случи токму пред да започне изборот на порота за граѓанско судење на кое се очекуваа штетни сведочења против него.
Куба Гудинг (55) е дециден дека сите интеракции со споменатата жена биле со нејзина согласност.
Условите на спогодбата не се откриени.
Актерот и претходно во неколку наврати беше обвинуван од десетици жени, за наводно пипкање и несакано допирање. Минатата година тој се изјасни за виновен за бакнување жена без нејзина согласност.
А со оваа спогодба, актерот избегна судење во кое требаше да бидат вклучени и сведочења на уште три жени, наводни жртви на сексуална злоупотреба од страна на актерот во периодот од 2009 до 2019 година.
