Стотици автомобили чекаат на граничниот премин „Богородица“ за влез од Грција во Македонија. Километарска колона има пред преминот, а по продолжениот викенд.
Најголем број од автомобилите се со македонски таблици, а има и странци. Возачите се нервозни и нестрпливи, па бараат начин како побрзо да ја минат границата. Меѓу возилата има и автобуси полни со патници.
Според АМСМ, времето на задржување на граница е до 45 минути. Возачите пак велат, се чека и повеќе од еден час. Колоната се движи бавно. Голем дел од сопатниците се излезени од автомобилите.
Во петокот големи гужви имаше и за излез од Македонија. И тогаш се чекаше на границата.
