Украинската воена разузнавачка служба во реално време ја следи локацијата на Владимир Путин и шефот на групата Вагнер, Евгениј Пригожин, изјави украинскиот портпарол.
Андриј Јусов рече дека „и покрај сите обиди и напори да се сокријат овие податоци“ и наводната употреба на „различни технологии, вклучително и употребата на doppelgängers“, тоа „не е нешто што може да се сокрие“.
„Што се однесува до нивните движења, секако знаеме каде се“, изјави Јусов за „Киев пост“.
„Путин е чуван, тој е добро чувана личност. Пригожин не е таков и тој се однесува можеби најслободно меѓу рускиот естаблишмент. Сите овие информации ни се познати нам и на нашите партнери и често се следат во реално време“, додаде тој.
Јусов вели дека во моментов нема желба да се убие ниту Пригожин, ниту Путин.
„Што се однесува до приоритетните цели, сите воени злосторници мора да бидат казнети“, рече тој.
„Како цивилизирана земја, Украина е заинтересирана оваа казна да биде извршена во рамките на меѓународното право пред меѓународен суд. Во овој контекст, приоритет број еден за Украина и Централната разузнавачка агенција е навистина да го доведат Путин во Хаг за судење пред овој суд“, објасни тој.
