Подиум со автопатски линии, пулт со „10Д“ и Артан Груби со маичка со истата ознака. Вака изгледаше церемонијата за отпочнување на изградбата на коридорот 10Д. Имаше поздрав на три јазици, па кажа дека е среќен што денот ќе го сподели денот со присутните. На премиерот Димитар Ковачевски му се заблагодари на поддршката за проектот за коридорите 8 и 10Д. Преку собранискиот претседател Талат Џафери им се заблагодари и на пратениците. Од пултот неколку минути имаше и низа други поздрави.
Veronika Koceva
„Овој проект продолжува и сите Влади, а следната секако ќе биде истата како оваа денеска, ќе го заврши овој проект, ќе ги пресече лентите. Втората порака денеска ми е тоа што го гледате денеска во Собрание и тоа што Владата го направи е порака дека е дојден крај на заложништвото на Собранието, проектите и иднината на граѓаните. Ова мнозинство, демонстрира како значи да се стави крај на блокадата. Од денес при изградба на вакви проекти, упатувам порака дека е дојдено време од денеска да ставиме крај и на блокадата на нашето европско интегрирање“, кажа Груби.
Груби кажа дека тој е качен на воз, па ги покани и другите. Им рече: „Овој воз вози кон Брисел и никој не може да го сопре“.
На претходната церемонија, Груби се појави со маичка „8“, што подоцна ја подари на новинар.
