Претседателот на Република Српска, Милорад Додик, денеска во Бања Лука изјави дека полицијата ќе ја зголеми безбедноста во училиштата.
„Уште еднаш во име на Република Српска и во мое лично име изразувам голема тага и неверување поради трагедијата во училиштето во Белград. Беше неопходно да се анализира ситуацијата во Српска, а ќе биде забрането да се внесуваат мобилни телефони во училиштата за време на наставата“, изјави Додик за новинарите по вонредната седница на Владата на Република Српска.
Посочи дека воспитувањето дете не е само работа на училиштето и потребно е да се бара единство и меѓу родителите и институциите, а приматот треба да го имаат воспитно-образовните работници.
