Социјалната мрежа „Блускај“ (Bluesky) постои од неодамна.
Деновиве бележи раст на бројот на корисници кои пребегнаа од „Твитер“, меѓу нив и големи твитерџиски ѕвезди како на пример Дрил или политичарката Александрија Оказио Кортез.
Се појави речиси преку ноќ, а сега за оваа платформа пишуваат сите американски медиуми, кои потенцираат дека „Блускај“ сака да им даде на корисниците поголема контрола врз нивното искуство со социјалните мрежи.
Во основа, тоа е децентрализирана социјална мрежа поддржана од поранешниот извршен директор на „Твитер“ Џек Дорси, кој всушност е еден од основачите на „Блускај“ и актуелен член на одборот на чие чело е Џеј Гарбер.
Гарбер беше назначен на таа позиција од челниците на „Твитер“ пред доаѓањето на Маск. Накратко, може да се каже дека ова е „не-Твитер“ основан од поранешни вработени на „Твитер“.
Идејата е мрежата да биде малку како Мастодон, уште една алтернатива на „Твитер“, но оваа би можела да заживее.
