Џек Николсон ги остави фановите пресреќни кога првпат по две години се појави во јавноста на кошаркарски натпревар на неговиот омилен тим „Лејкерс“.
Култната холивудска ѕвезда се чини дека е здрав, среќен и расположен, пренесуваат медиумите.
Гледајќи ги „Лос Анџелес лејкерс“ во петокот, Џек (86) изгледаше задоволен и дури можеше да се види како широко се смее додека им се восхитува на играчите на теренот од првиот ред.
Пензионираниот актер, познат по широкиот спектар филмски улоги, последен пат излезе во јавност во октомври 2021 година во арената „Крипто.ком“, претходно позната како „Стејплс центар“, кога присуствуваше на натпревар на „Лејкерс“ со синот Реј.
