Алеиш Еспаргаро, возачот на Априлија, беше најбрз во квалификациите за Големата награда на Шпанија. Тој го извозе најбрзиот круг на патеката во Херез со време од 1:37.216 минути.
Така, Еспаргаро стигна до пол-позицијата, како за спринтот, така и за главната трка во недела.
Постариот од браќата Еспаргаро стигна до пол-позицијата на патеката „Анхел Нието“ ја освои првата пол-позиција по пауза од 11 месеци. Претходно најдобри квалификации возеше на патеката во Каталуња.
Најблиску до Шпанецот беше Џек Милер, кој ги брани боите на КТМ, а австралискиот мотоциклист заостана 221 илјадитинки. На двајцата во првиот ред ќе им се придружи Хорхе Мартин на Прамак Дукати.
Nothing could stop @AleixEspargaro and Aprilia today! 🤩
He’s been through hell and back from a crash to avoiding a cat, and then tackling tricky conditions 💪#SpanishGP 🇪🇸 pic.twitter.com/tuF2LfUi5b
— MotoGP™🏁 (@MotoGP) April 29, 2023
Најдобар од останатите беше тимскиот колега на Милер, Бред Биндер, пред бранителот на титулата Франческо Багнаја и тест-возачот на неговиот тим Дани Педроса. Следуваат Мигел Оливеира на Априлија, пред вториот возач на Прамак Дукати, Жоан Зарко, а првите десет ги комплетираа Лука Марини и Маверик Вињалес, пред Такаки Накагами и Алекс Маркез.
Спринтот се вози во 15 часот, а утре во истиот термин е главната трка.
