Полицијата приведе 54-годишен охриѓанец, кој крадел велосипеди во Гостивар, Кичево, Охрид и други градови.
МВР соопшти дека мажот бил фатен во Гостивар.
„Вчера, околу 10.30 часот, на улицата Панче Поповски во Гостивар, полициски службеници на СВР Тетово – Одделение за внатрешни работи Гостивар го лишиле од слобода 54-годишниот С. Ј. од Охрид. Тој се сомничи дека на подрачјата на Гостивар, Кичево, Охрид и други места извршил повеќе кражби на велосипеди, кои потоа ги продавал на други места“, велат од МВР.
Тој бил задржан во Полициската станица Гостивар и против него ќе следува поднесок.
